کراچی میں 200 سے زائد کثیرالمنزلہ عمارتوں کی تعمیر میں ناقص میٹریل استعمال کرنیکا انکشاف ہوا ہے۔
کراچی کی کثیرالمنزلہ عمارتوں میں آگ لگنے کے واقعات پر کے ایم سی نے رپورٹ سندھ ہائی کورٹ میں جمع کرادی۔ رپورٹ کے مطابق شہر میں 200 سے زائد کثیر المنزلہ عمارتوں کی تعمیرات ناقص مٹیریل اور منصوبہ بندی سے کی گئی۔
رپورٹ میں کہا گیا ہے کہ مذکورہ عمارتوں میں فائرفائٹرز سسٹم، ہنگامی اخراج دیگر ضروری انتظامات بھی نہیں۔ عمارتوں کواین او سی جاری کرتے وقت کےایم سی سےرائےنہیں لی گئی۔
کے ایم سی رپورٹ کے مطابق آئی آئی چندریگرروڈ، خالد بن ولید روڈ، شارع فیصل پر عمارتوں کی انسپکشن کی گئی، جہاں 200 سے سے زائد کثیر المنزلہ عمارتوں کی تعمیرات ناقص مٹریل اور منصوبہ بندی سے کی گئی ہے۔
ایس بی سی اے نے ان عمارتوں کو مکمل ہونے کے سرٹیفکیٹ جاری کردیئے، غیرقانونی تعمیرات اور این او سی جاری کرنے والوں کے خلاف کارروائی ضروری ہے، اینٹی کرپشن نے ملوث ایس بی سی اے افسران اور بلڈرز کے خلاف کارروائی شروع کردی ہے۔
