ڈیزل کی قیمت میں اضافے پر پاکستان ریلوے نے مسافر ٹرینوں کے کرایوں میں دو فیصد اضافہ کردیا ۔
پاکستان ریلوے ہیڈ کوارٹرز لاہور سے جاری کئے گئے نوٹیفکیشن کے مطابق انٹرسٹی، میل اور ایکسپریس ٹرینوں کے کرایوں میں کل سترہ فروری سے دو فیصد اضافہ کردیا گیا ہے۔
نوٹیفکیشن میں کہا گیا ہے کہ اضافے کا اطلاق نجی شعبے کے سپرد کی گئی ٹرینوں پر بھی ہوگا۔
ریلوے حکام کا کہنا ہے کہ ڈیزل کے نرخوں میں آٹھ روپے سینتیس پیسے اضافے کے باعث مجبوراً ٹرینوں کے کرایوں میں دو فیصد اضافہ کرنا پڑا ۔
