سری لنکن کرکٹ ٹیم کے لیگ سپنر ونیدو ہسارنگا کی پاکستان سپر لیگ ( پی ایس ایل ) کے ایڈیشن 9 میں شرکت مشکوک ہوگئی۔
یاد رہے کہ پاکستان سپرلیگ کا ایڈیشن 9 کل سے شروع ہورہا ہے جبکہ لاہور قلندرز اور اسلام آباد یونائٹیڈ کی ٹیمیں افتتاحی میچ میں مدمقابل ہوں گی۔
تاہم، سری لنکا کے اہم باؤلر ہسارنگا کی اس سال بھی پی ایس ایل میں شرکت مشکوک ہوگئی ہے، انہوں نے ابتداٸی 5 میچز میں کوٸٹہ گلیڈی ایٹرز کی نماٸندگی کرنی تھی۔
رپورٹ کے مطابق ونیدو ہسارنگا افغانستان اور سری لنکا کے درمیان ہونے والی سیریز کے باعث پی ایس ایل کے ابتداٸی 2 میچز کے لیےدستیاب نہیں ہوں گے۔
سری لنکن بورڈ نے لیگ سپنر کو باقی 3 میچز کے لیے بھی این اوسی جاری نہیں کیا ہے۔
