الیکشن کمیشن آف پاکستان نے قومی اسمبلی کے مزید 6 حلقوں کے نتائج جاری کردیے۔
غیرحتمی نتائج کے مطابق این اے 251 سے پشتونخوا نیشنل عوامی پارٹی کے خوشحال خان کاکڑ ہوگئے۔ خوشحال خان کاکڑ نے45712ووٹ حاصل کیے۔
این اے 252 سے مسلم لیگ ن کے یعقوب ناصر53783 ووٹ لیکر کامیاب ہوگئے، پی ٹی آئی حمایت یافتہ بابر موسیٰ خیل 52992ووٹ حاصل کرسکے۔ این اے258 کیچ گوادر سے نیشنل پارٹی کے پھلین بلوچ 22261ووٹ لیکر کامیاب ہوگئے۔
غیرحتمی نتائج غیر سرکاری نتائج کے مطابق این اے 260 پر جمعیت علمائے اسلام ف کےعثمان بادینی کامیاب ہوگئے، عثمان بادینی نے42670 ووٹ کے ساتھ کامیابی اپنے نام کی۔
این اے 261 مستونگ جے یو آئی کےغفور حیدری 31649 ووٹ لے کر کامیاب ہوگئے جبکہ بی این پی کے سردار اختر مینگل 27395 ووٹ لے کر دوسرے نمبر پر رہے۔ این اے 266 قلعہ عبداللہ چمن سے پی کے میپ کے محمود خان اچکزئی 67028 ووٹ لے کر جیت گئے۔
واضح رہے کہ غیرحتمی نتائج کے مطابق قومی اسمبلی کی 266 میں سے 264 سیٹوں کا نتیجہ آچکا۔ جبکہ ایک حلقے میں امیدوار کے انتقال کے سبب الیکشن نہ ہوسکا، اب تک کے نتائج کے مطابق آزاد امیدوار 101سیٹیں جیتنے میں کامیاب ہوچکے ہیں۔ مسلم لیگ ن 75نشستیں لے کر دوسرے نمبر پر ہے جبکہ پیپلزپارٹی نے 54 نشستوں پر میدان مارا ہے۔
