مسلم لیگ ( ن ) کے رہنما اسحاق ڈار نے قومی اسمبلی کی 90 نشستیں جیتنے کا دعویٰ کر دیا ہے۔
الیکشن سیل سماء میں سینئر اینکر پرسن ندیم ملک کے ساتھ گفتگو کرتے ہوئے اسحاق ڈار کا کہنا تھا کہ قومی اسمبلی میں سادہ اکثریت ملنے پر نواز شریف ہی وزیر اعظم ہوں گے ، امید ہے پنجاب میں اکثریتی جماعت بن کر ابھریں گے۔
لازمی پڑھیں۔ پنجاب اسمبلی کے غیرحتمی اور غیرسرکاری نتائج آنے کا سلسلہ جاری
اسحاق ڈار 90 قومی اسمبلی کی سیٹیں جیتنے کا دعویٰ بھی کیا اور کہا کہ ہم وفاق میں بھی حکومت بھی بنائیں گے۔
ایک سوال کے جواب میں انہوں نے کہا کہ سابق صدر آصف زرداری سے ابھی تک کوئی رابطہ نہیں کیا، تاہم جلد ہو جائے گا، ہم نے ویسے ابھی تک کوشش نہیں کی۔
لازمی پڑھیں۔ این اے 71 سیالکوٹ، خواجہ آصف نے میدان مار لیا، ریحانہ ڈار ہار گئیں
ان کا کہنا تھا کہ آزاد امیدوار ہم سے رابطے میں ہے اور 25 سے 30 آزاد امیدوار مسلم لیگ ن جوائن بھی کر سکتے ہیں۔
