پاکستان مسلم لیگ ( ن ) کی چیف آرگنائزر مریم نواز لاہور کے حلقہ این اے 119 سے غیر حتمی اور غیر سرکاری نتائج کے مطابق 3276 ووٹ لے کر پہلے نمبر پر ہیں۔
پاکستان بھر میں قومی اور صوبائی اسمبلیوں کے ہونے والے عام انتخابات 2024 کے نتائج آنے کا سلسلہ شروع ہو گیا ہے۔
جمعرات کے روز پاکستان بھر میں قومی اسمبلی کی 265 جنرل نشستوں جبکہ صوبائی اسمبلیوں کی 590 نشستوں پر پولنگ ہوئی۔
پنجاب اسمبلی کے غیر حتمی اور غیر سرکاری نتائج آنا شروع
پنجاب اسمبلی کی 297 میں سے 296 اور سندھ کی 130 ، بلوچستان کی 51 اور خیبرپختونخوا سمبلی کی 130 میں سے 128 نشستوں پر عوام کی جانب سے اپنا حق رائے دہی استعمال کیا گیا۔
ملک بھر میں ہونے والے انتخابات 2024 میں تقریباً 5 ہزار کے قریب امیدوار آمنے سامنے تھے۔عام انتخابات کے لئے پولنگ کا وقت شام 5 بجے تک مقرر کیا گیا تھا جس کے بعد ووٹوں کی گنتی کا عمل جاری ہے اور مختلف حلقوں سے نتائج آنے کا سلسلہ شروع ہو چکا ہے۔
یاد رہے کہ الیکشن کمیشن آف پاکستان (ای سی پی) نے رات 12 بجے تک الیکشن نتائج مکمل جاری کرنے کا اعلان کر رکھا ہے۔
23 پولنگ سٹیشنز
لاہور کے حلقہ این اے 122 کے غیر سرکاری اور غیر حتمی نتائج کے مطابق مریم نواز 3276 ووٹ لے کر پہلے نمبر پر ہیں جبکہ آزاد اُمیدوار شہزاد فاروق 2465 ووٹ لے کر دوسرے نمبر پر ہیں۔
