آئی سی سی انڈر 19 ورلڈکپ کے دوسرے سیمی فائنل میں پاکستان نے آسٹریلیا کو جیت کیلیے 180 رنز کا ہدف دیا ہے، عرفات منہاس اور اذان اویس نے نصف سنچریاں اسکور کیں۔
جنوبی افریقا کے شہر بنونی میں کھیلے جارہے میچ میں آسٹریلیا نے ٹاس جیت کر پاکستان کو بیٹنگ کی دعوت دی۔
پاکستان انڈر 149 ٹیم 48.5 اوورز میں 179 رنز بنا کر آؤٹ ہو گئی۔ گرین شرٹس کی جانب سے عرفات منہاس اور اذان اویس 52، 52 رنز بنا کر آؤٹ ہوئے، شمائل حسین 17 رنز بنا سکے، ان کے علاوہ کوئی کھلاڑی ڈبل فیگر میں داخل نہیں ہوسکا۔
آسٹریلیا انڈر 19 کی جانب سے ٹام اسٹراکر نے شاندار بولنگ کرتے ہوئے، 9٫5 اوورز میں 24 رنز دے کر 6 کھلاڑیوں کو آؤٹ کیا۔
فاتح ٹیم انڈر 19 ورلڈ کپ فائنل میں 11 فروری کو بھارت سے مقابلہ کرے گی، جس نے پہلے سیمی فائنل میں جنوبی افریقا کو شکست دی تھی۔
