ملک بھر میں عام انتخابات 2024 کیلئے پولنگ کا عمل اجاری ہے جو بلا رکاوٹ شام 5 بجے تک جاری رہے گا۔ ووٹر قومی اور صوبائی اسمبلی کے حلقوں پر اپنے پسندیدہ امیدواروں کو ووٹ کاسٹ کر سکیں گے۔
ایبٹ آباد کے حلقے این اے16 نتھیا گلی میں برف باری کے بعد ووٹرز گھروں سے نکل آئے، لوگ ووٹ کاسٹ کے لیے برف سے ہوتے ہوئے پولنگ اسٹیشن پہنچ رہے ہیں، این اے 16 پر ن لیگ کے مرتضیٰ جاوید عباسی اور آزاد امیدوار علی اصغر میں کانٹے کا مقدبلہ متوقع ہے۔
دوسری جانب وفاقی دارالحکومت اسلام آباد سمیت مختلف شہروں رکاوٹوں کے باوجود خواتین ووٹرز اپنا حق رائے دہی استعمال کرنے کیلئے گھروں سے نکل آئیں۔ مختلف پولنگ اسٹیشنز پر خواتین ووٹرز کا رش بڑھتا جارہا ہے۔
