جمعیت اہلحدیث نے مرکزی قیادت کاعام انتخابات میں عبدالعلیم خان کی مکمل حمایت کا فیصلہ کیا ہے۔این اے ایک سو سترہ سے مزید سیاسی و سماجی شخصیات نے بھی عبدالعلیم خان کی حمایت کا اعلان کر دیا۔
استحکام پاکستان پارٹی کے صدرعبدالعلیم خان سےجمعیت اہلحدیث کے قائدین نے ملاقات کی۔حافظ عبید اللہ ارشد،فضل الرحمان مدنی اورمولانا ارشد نے مرکز اہلحدیث کے فیصلے کی منظوری دی۔
مشترکہ اعلامیے میں کہا گیا ہے کہ عبدالعلیم خان اور اُن کا پینل این اے ایک سو سترہ کےلئے بہترین انتخاب ہونگے۔ عبدالعلیم خان سے سابق وزیرچوہدری اختر رسول اور سابق ایم پی اے قیصر امین بٹ، این اے 117 کی پی پی145کے امیدوار جواد خالد گجر ،پی پی 149 سے آزاد امیدوار رانا ریاست نے بھی ملاقات کی۔ پائنیر بزنس گروپ کے تاجررہنما عثمان ملک کی سربراہی میں وفد نے بھی عبدالعلیم خان سے ملاقات کی۔
عبدالعلیم خان نے حمایت کرنے والوں کا شکریہ ادا کرتے ہوئے کہا کہ ہم وعدے پورے کریں گے ، شاہدرہ کی ہر یونین کونسل کی اپ گریڈیشن کےلئےجامع منصوبہ بندی ہوگی ، این اےایک سو سترہ شہرکاداخلی راستہ ہے اسےخوبصورت ترین باب لاہوربنائیں گے۔
