پاکستان مسلم لیگ ( ن ) کی چیف آرگنائزر اور سینئر نائب صدر مریم نواز لندن پہنچ گئیں۔
خیال رہے کہ مریم نواز جمعرات کی صبح اپنی چھوٹی صاحبزادی کے ہمراہ لاہور سے براستہ دبئی لندن کے لئے روانہ ہوئی تھیں۔
مریم نواز لندن میں اپنے والد اور سابق وزیر اعظم میاں نواز شریف سے ملاقات کریں گی۔
ذرائع کے مطابق نواز شریف کی زیر صدارت جمعہ کے روز اہم اجلاس ہو گا جس میں شریف خاندان بیانیے سے متعلق اہم فیصلے کرے گا۔
مریم نواز کی غیر موجودگی میں نواز شریف کی پاکستان آمد پر استقبال کی تیاریاں ن لیگ کے رہنما رانا ثنااللہ دیکھیں گے۔
علاوہ ازیں سماجی رابطے کی ویب سائٹ ایکس پر پی ایم ایل این ڈیجیٹل کے آفیشل اکاؤنٹ کے ذریعے ایک ویڈیو پوسٹ کی گئی جس میں مریم نواز کو لندن میں ایون فیلڈ اپارٹنمٹ کے باہر گاڑی سے اترتے دیکھا جا سکتا ہے۔
Maryam Nawaz Sharif, the Chief Organizer and Senior Vice President of the PML-N, reaches London. pic.twitter.com/t75rQMMkjH
— PMLN DIGITAL (@pmlndigitalpk) September 21, 2023
اس موقع پر ایون فیلڈ اپارٹنمٹ کے باہر میڈیا کے نمائندے بھی موجود تھے جنہوں نے مریم نواز سے سوالات کی کوشش کی تاہم ان کا کہنا تھا کہ ’ بعد میں بات کروں گی ‘۔
