لاہور کے علاقے فرخ آباد میں منعقدہ انتخابی جلسہ سےخطاب کرتےہوئےصدر آئی پی پی عبدالعلیم خان کاکہناتھاکہ لاہورکے گیٹ وے شاہدرہ کو اس کے شایان شان بنائیں گے۔
استحکام پاکستان پارٹی کے مرکزی صدر عبدالعلیم خان نے فرخ آباد میں منعقدہ انتخابی جلسہ سےخطاب کرتےہوئے کہا کہ آپ سب کی محبت کا دل سے شکریہ ادا کرتا ہوں یوسی 5 کے چئیرمین خالد صاحب کا شکریہ ادا کرتا ہوں اللہ نے مجھے عزت دی تو آپ کا اور اس علاقے کا ساتھ کبھی نہیں چھوڑوں گامیرے پاس جو بھی اختیار ہوا وفاق میں یا صوبائی میں آپکی خدمت کرونگا۔
صدر آئی پی پی کا مزید کہنا تھا کہ میں آپ لوگوں کوبھولنے والا نہیں ہوں اس علاقے کی ترقی کے لئے میں پوری کوشش کرونگاگڑھی شاھو جائیں اور کام دیکھیں کیسے کام ہوتے ہیں میں گزشتہ روز گڑھی شاھو گیا تھا بتا نہیں سکتا کتنی محبت وہاں سے ملی ہے۔
عبدالعلیم خان فاونڈیشن آپکے علاقے میں ڈسپنسریاں اور واٹر فلٹریشن پلانٹ لگائے گی اس سروے میں کوئی سیاسی آدمی نہیں ہوگاکوئی آپ سے نہیں پوچھے گا کہ ووٹ کس کو دیا ۔
