راولپنڈی پولیس نے تعلیمی اداروں میں منشیات سپلائی کرنے والے سمگلر کو گرفتار کر لیا۔
پنجاب کے ضلع راولپنڈی کے تعلیمی اداروں میں منشیات سپلائی کرنے والے سمگر کو پولیس نے گرفتار کر لیا جبکہ پولیس کے مطابق گرفتار ملزم کی شناخت نعمان کے نام سے ہوئی جس کے خلاف مقدمہ درج کر لیا گیا ہے۔
تھانہ پیرودھائی میں درج مقدمہ کے مطابق منڈی موڑ کی جانب سے آنے والی گاڑی کو روک کر تلاشی کے دوران ساڑھے دس کلو منشیات برآمد ہوئی ، منشیات تھیلےمیں چھپا کر اسمگل کی جا رہی تھی۔
ملزم نے ابتدائی تفتیش کےدوران تعلیمی اداروں میں منشیات سپلائی کرنے کا اعتراف بھی کیا ۔
پولیس حکام کے مطابق اسمگلر نے منشیات جڑواں شہروں میں سپلائی کرنا تھی ، ملزم کے زیر استعمال گاڑی ، دو موبائل فونز سمیت قومی شناختی کارڈ اور ڈرائیونگ لائسنس بھی قبضہ میں لے لئے گئے ہیں۔
پولیس کے مطابق تفتیش کے دوران حاصل معلومات کی بنیاد پر ملزم کے ساتھیوں کو بھی گرفتار کیا جائے گا ۔
