محکمہ موسمیات نے بیشتر میدانی علاقوں میں موسم سرد اور خشک رہنے کی پیشگوئی کردی۔
محکمہ موسمیات کے مطابق آئندہ 24 گھنٹوں میں ملک کے میدان علاقوں میں موسم سرد اور خشک رہنے کا امکان ہے جبکہ شمالی علاقوں اور شمالی بلوچستان میں شدید سرد مطلع جزوی ابر آلود رہے گا۔
ترجمان محکمہ موسمیات کے مطابق رات کے اوقات میں گلگت بلتستان اور بالا ئی کے پی میں ہلکی بارش اور پہاڑوں پر برفباری کا امکان ہے جبکہ پنجاب ، خیبرپختونخوا کے میدانی علاقوں ، بالائی سندھ میں شدید دھند چھائی رہے گی۔
ترجمان نے بتایا کہ گزشتہ 24 گھنٹوں کے دوران اسکردو میں سب سے کم درجہ حرارت منفی 10 ، گوپس منفی 6 ریکارڈ کیا گیا جبکہ اسلام آباد میں درجہ حرارت صفر اور مری میں منفی ایک ریکارڈ کیا گیا۔
علاوہ ازیں گلگت اور کالام میں منفی 05 جبکہ استور میں منفی 04 درجہ حرارت ریکارڈ کیا گیا۔
