سپریم کورٹ کی پی ٹی آئی کو بلے کا انتخابی نشان دینے کیخلاف اپیل کل سماعت کیلئے مقرر کردی گئی۔
پشاور ہائیکورٹ نے گزشتہ روز پاکستان تحریک انصاف کی درخواست منظور کرتے ہوئے پی ٹی آئی کو بلے کا انتخابی نشان الاٹ کرنے کی ہدایت کی تھی۔
پشاور ہائیکورٹ کے فیصلے کیخلاف الیکشن کمیشن آف پاکستان نے سپریم کورٹ سے رجوع کیا تھا۔
سپریم کورٹ آف پاکستان نے الیکشن کمیشن آف پاکستان کی اپیل کل (جمعرات کو) سماعت کیلئے مقرر کردی۔
چیف جسٹس پاکستان جسٹس قاضی فائز عیسیٰ کی سربراہی میں 3 رکنی بینچ الیکشن کمیشن کی درخواست کی سماعت کرے گا، جسٹس محمد علی مظہر اور جسٹس مسرت ہلالی بھی بینچ کا حصہ ہوں گے۔
پشاور ہائیکورٹ نے دس جنوری کو پی ٹی آئی انٹرا پارٹی الیکشن اور انتخابی نشان سے متعلق کیس کا فیصلہ سناتے ہوئے پاکستان تحریک انصاف کا انتخابی نشان بلا بحال کیا تھا۔
پشاور ہائیکورٹ کے جسٹس اعجاز انور اور جسٹس سید ارشدعلی نے انٹرا پارٹی الیکشن کیخلاف دائر درخواستوں پر سماعت کی، جس کے بعد عدالت عالیہ کی جانب سے پی ٹی آئی کی درخواست منظور کرتے ہوئے الیکشن کمیشن آف پاکستان ( ای سی پی ) کا 22 دسمبر کا فیصلہ کالعدم قرار دے دیا۔
پشاور ہائیکورٹ کی جانب سے پاکستان تحریک انصاف ( پی ٹی آئی ) کے انٹرا پارٹی الیکشن اور انتخابی نشان ’ بلے ‘ سے متعلق الیکشن کمیشن کا فیصلہ بحال کر دیا گیا ہے جس کے بعد پارٹی سے انتخابی نشان ’ بلا ‘ ایک بار پھر سے چھن گیا۔
اس سے قبل 3 جنوری کو پشاور ہائیکورٹ نے پاکستان تحریک انصاف (پی ٹی آئی) کے انٹرا پارٹی الیکشن اور انتخابی نشان ’بلے‘ سے متعلق الیکشن کمیشن کا فیصلہ بحال کرتے ہوئے پارٹی سے انتخابی نشان ’بلا‘ واپس لے لیا تھا۔
