سری لنکا نے زمبابوے کیخلاف تین میچوں کی ہوم سیریز کیلئے سینئر کھلاڑی انجیلو میتھیوز کو اپنے ٹی ٹوئنٹی سکواڈ میں واپس بلا لیا ۔
انٹرنیشنل کرکٹ کونسل ( آئی سی سی ) کی رپورٹ کے مطابق سری لنکا نے زمبابوے کے خلاف ہوم سیریز کے لیے اپنے 16 رکنی ٹی ٹوئنٹی سکواڈ کا اعلان کیا ہے جس میں میتھیوز کی واپسی ہوئی ہے جنہوں نے آخری بار 2021 میں ٹی ٹوئنٹی میچ کھیلا تھا۔
دونوں ٹیموں کے درمیان تین میچز پر مشتل سیریز کا آغاز14 جنوری سے ہوگا جبکہ تینوں میچز کولمبو میں کھیلے جائیں گے۔
لنکن بورڈ کی جانب سے اعلان کردہ سکواڈ میں کپتان وانندو ہسرنگا ، چارتھ اسالنکا، کوسل مینڈس، سدیرا سماراویکرما، کوسل جینتھ پریرا، اینجلو میتھیوز، داسن شاناکا، دھننجایا ڈی سلوا، کامندو مینڈس، پاتھم نسانکا ، مہوشاناس، ، دلشان مدوشنکا، متھیشا پاتھیرانا، نووان تھشارا اور داننجایا شامل ہیں۔
