پاکستان سپر لیگ ( پی ایس ایل ) کے ایڈیشن 9 کا شیڈول سامنے آگیا۔
پی ایس ایل کے نویں ایڈیشن کا شیڈول تیار کر لیا گیا ہے جس کے مطابق ایونٹ کا آغاز آئندہ ماہ 17 فروری سے ہوگا اور 17 مارچ تک کھیلا جائے گا جبکہ ایونٹ میں 34 میچز کھیلیں جائیں گے۔
شیڈول کے مطابق ایونٹ میں شریک ٹیموں کی آمد 12 فروری سے شروع ہو گی اور 4 دن آفیشل پریکٹس سیشن کیلئے ہوں گے۔
ایونٹ میں پہلے مرحلے کے میچ لاہور اور ملتان جبکہ دوسرے مرحلے کے میچز کراچی اور راولپنڈی میں کھیلے جائیں گے۔
ایونٹ کا افتتاحی میچ قذافی سٹیڈیم لاہور میں کھیلا جائے گا جس میں لاہور قلندرز اور اسلام آباد یونائٹیڈ کی ٹیمیں مدمقابل ہوںگی۔
ایونٹ میں 7 ڈبل ہیڈر ہوں گے جبکہ لیگ کے 6 میچز اور ایک کوالیفائر دن کے وقت ہو گا اور لیگ کا فائنل کراچی میں کھیلا جائے گا۔
