توشہ خانہ ریفرنس میں سابق چیئرمین پی ٹی آئی عمران خان اور ان کی اہلیہ بشریٰ بی بی پر فرد جرم عائد نہ ہوسکی۔
تفصیلات کے مطابق سابق چیئرمین پی ٹی آئی عمران خان اور ان کی اہلیہ بشریٰ بی بی کیخلاف توشہ خانہ اور 190 ملین پاونڈ ریفرنسسز کی سماعت اڈیالہ جیل میں ہوئی، جج احتساب عدالت نے دونوں ریفرنسز کی سماعت اڈیالہ جیل میں کی۔
توشہ خانہ ریفرنس میں دونوں ملزمان پر فرد جرم عائد نہ ہوسکی جبکہ 190 ملین پاؤنڈ ریفرنس میں چالان کی نقول کی تقسیم بھی 8 جنوری تک مؤخر کردی گئی۔
عدالت نے سابق چیئرمین پی ٹی ائی کی بیٹوں سے ٹیلیفونک گفتگو کرانے کی استدعا منظور کرلی جبکہ بیرسٹر گوہر کی سابق چیئرمین پی ٹی آئی سے ملاقات کی درخواست بھی منظور کرلی گئی۔
دوسری جانب ملزم ملک ریاض کی جانب سے وکیل فاروق ایچ نائیک عدالت پیش ہوئے ملک ریاض نے استثنیٰ اور ویڈیو لنک حاضری کی درخواستیں واپس لے لیں۔ ملزم ملک ریاض کی وارنٹ گرفتاری منسوخ کرنے کی درخواست خارج کردی۔
