انسداد دہشتگردی ڈیپارٹمنٹ ( سی ٹی ٹی ) نے مختلف کارروائیوں کے دوران 7 دہشت گردوں کو گرفتار کر لیا۔
سی ٹی ڈی حکام کے مطابق صوبائی دارالحکومت لاہور سمیت بہاولنگر، بہاولپور، سرگودھا اور قصور میں کی جانے والی مختلف کارروائیوں کے دوران 7 دہشت گردوں کو گرفتار کیا گیا ہے۔
لاہور سے گرفتار کئے گئے تین دہشت گردوں کا تعلق کالعدم تحریک طالبان پاکستان ( ٹی ٹی پی ) سے ہے جن کی شناخت عابد، شاہ محمد اور خان زمان کے نام سے ہوئی۔
حکام نے بتایا کہ بہاولپور ، بہاولنگر ، سرگودھا اور قصور سے بھی 4 دہشت گرد پکڑے گئے جن کا نیٹ ورک بڑے پیمانے پر تخریب کاری کے منصوبے میں ملوث ہے۔
گرفتار دہشت گردوں کے قبضے سے بارودی مواد ، اسلحہ اور نقدی بھی برآمد کی گئی جبکہ ان کے خلاف مقدمات درج کر کے تفتیش کا آغاز کر دیا گیا ہے۔
