گجرات میں ٹک ٹاک بنانے پر جھگڑے کے دوران لڑکی نے فائرنگ کرکے بہن کو قتل کردیا۔
گجرات کی تحصیل سرائے عالمگیر میں ٹک ٹاک بنانے پر 2 بہنوں میں جھگڑا ہوا، بڑی بہن نے فائرنگ کرکے چھوٹی بہن کو قتل کردیا۔
پولیس کے مطابق ٹک ٹاک بنانے کے دوران جھگڑے پر بڑی بہن نے فائرنگ کردی، جس کے نتیجے میں چھوٹی بہن گولی لگنے سے شدید زخمی ہوگئی، جسے اسپتال منتقل کیا جارہا تاہم وہ راستے میں ہی دم توڑ گئی۔
پولیس کا کہنا ہے کہ لڑکی کو گرفتار کرکے واقعے کا مقدمہ درج کرلیا گیا ہے جبکہ مزید تفتیش بھی جاری ہے۔
