انسداد دہشتگردی ڈیپارٹمنٹ ( سی ٹی ڈی ) نے پنجاب میں مختلف آپریشنز کے دوران ایک ہفتے میں 22 دہشتگرد گرفتار کرلئے۔
سی ٹی ڈی ترجمان کے مطابق پنجاب میں ایک ہفتے کے دوران 244 آپریشنز کئے گئے جن میں مختلف کالعدم تنظیموں سے تعلق رکھنے والے 22 دہشت گردوں کو گرفتار کیا گیا ہے۔
ترجمان کے مطابق گرفتار دہشتگردوں کے قبضہ سے 10 ہزار 570 گرام بارودی مواد بھی برآمد کیا گیا جبکہ دستی بم، اسلحہ اور گولیاں بھی برآمد ہوئیں۔
حراست میں لئے گئے 245 مشتبہ افراد سے بھی تفتیش کی گئی۔
ایک ہفتہ کے دوران 1289 کومبنگ آپریشنز کئے گئے جن میں 55 ہزار 317 افراد کو چیک اور 4 ہزار 164 افراد کو حراست میں لیا گیا۔
ترجمان نے مزید بتایا کہ ملزمان کے خلاف 157 مقدمات درج کر کے 48 ریکوریاں بھی کی گئیں۔
