بانی پی ٹی آئی کےاثاثوں میں گزشتہ پانچ برسوں کےدوران 27 کروڑ 72 لاکھ روپے سے زائد کااضافہ ہوا۔کاغذات نامزدگی میں جمع کرائی گئی تفصیلات سامنے آ گئیں۔
بانی پی ٹی آئی 31 کروڑ ساڑھے 59 لاکھ مالیت کے اثاثوں کے مالک نکلے،پانچ سال میں ستائیس کروڑبہتر لاکھ روپے کا اضافہ ہوا،دوہزار اٹھارہ میں اثاثوں کی مالیت 3کروڑ 86 لاکھ 94 ہزار روپے تھی
بانی پی ٹی آئی نےزمان پارک میں 7 کنال 8 مرلےکا گھر وراثت ،بنی گالہ میں 300 کنال اراضی کو تحفہ ظاہرکیا ہے،اسلام آباد میں 50 لاکھ مالیت کی 6 کنال 16 مرلے اراضی،شاپنگ پلازے میں 12 کروڑ کی دکان اور3 کروڑ 40 لاکھ روپے سے زائد مالیت کا فلیٹ بھی ان کی ملکیت ہے، بانی پی ٹی آئی دولاکھ روپےکی چاربکریاں بھی رکھتے ہیں۔
کاغذات نامزدگی میں بھکر سے وراثت میں ملی 188 کنال اراضی، مختلف بینک اکاونٹس میں 6 کروڑ اور کیش 3 کروڑ 15 لاکھ روپے کی رقم ظاہرکی گئی۔
توشہ خانہ سےخریدی گئی قیمی اشیاء کی قیمت 1 کروڑ 18 لاکھ 77 ہزار سے زائد بتائی گئی ہے،سابق چیئرمین پی ٹی آئی نے اہلیہ بشری بی بی کے نام پاکپتن اور دیپالپورمیں 698 کنال اراضی اور بنی گالا میں 3 کنال کا گھر بھی کاغذات میں ظاہرکیا ہے ۔
