بالی ووڈ کنگ شاہ رخ خان کا ایک معذور مداح وینٹی لینٹر پر فلم ’ جوان ‘ دیکھنے کے لئے سینما حال پہنچ گیا۔
خیال رہے کہ بھارتی فلم انڈسٹری کے ’ بادشاہ ‘ شاہ رخ خان کی نئی فلم جوان حال ہی میں ریلیز ہوئی ہے جس نے نہ صرف بھارت بلکہ پوری دنیا میں بزنس کے حوالے سے متعدد ریکارڈز اپنے نام کئے ہیں۔
یاد رہے کہ 7 سمتبر کو نمائش کے لئے پیش کی جانے والی کرپشن کی کہانی پر مبنی فلم جوان میں شاہ رخ خان ڈبل رول میں نظر آئے ہیں۔
سماجی رابطے کی ویب سائٹ ایکس پر شاہ رخ خان کے ایک فین اکاؤنٹ سے ان کے ایک معذور مداح کی ویڈیو شئیر کی گئی جس میں اسے وینٹی لیٹر پر ہونے کے باوجود سینما میں فلم جوان دیکھتے ہوئے دیکھا جا سکتا ہے۔
Baat jab #ShahRuhKhan ki Aati tab dimaag nahi dil kaam karne lagta hai.
— SRK Rajarhat CFC (@SRKRajarhatCFC) September 17, 2023
A physically challenged man whose on ventilator is seeing #Jawan.
This is the love people have for you @iamsrk sir❤️@SRKCHENNAIFC @Atlee_dir @pooja_dadlani pic.twitter.com/zCy3bBauYC
ایکس پر جاری کردہ ویڈیو کے کیپشن میں تحریر کیا گیا ’’ بات جب شاہ رخ کی آتی ہے تب دماغ نہیں دل کام کرنے لگ جاتا ہے ‘‘۔
دوسری جانب بالی ووڈ کنگ نے بھی مذکورہ ویڈیو پر اپنے رد عمل کا اظہار کیا ہے۔
شاہ رخ نے ویڈیو کو ری پوسٹ کرتے ہوئے لکھا کہ ’’ شکریہ میرے دوست، اللہ آپ کو دنیا کی ہر خوشی سے نوازے ‘‘۔
Thank u my friend…. May God bless you with all the happiness in the world. I feel very grateful to be loved by you. Hope you enjoyed the film. Lots of love…. https://t.co/jr2gDTobQs
— Shah Rukh Khan (@iamsrk) September 17, 2023
ان کا مزید کہنا تھا کہ ’’ میں آپکی جانب سے ملنے والے پیار پر بہت شکر گزار ہوں، امید ہے کہ آپ کو فلم پسند آئی ہوگی، میرے طرف سے آپ کے لئے بہت زیادہ پیار‘‘۔
