توشہ خانہ ریفرنس میں بانی پی ٹی آئی عمران خان اور سابق خاتون اول بشریٰ بی بی پر فرد جرم عائد کرنے کیلئے 4 جنوری کی تاریخ مقرر کردی گئی۔
احتساب عدالت کے جج محمد بشیر نے توشہ خانہ ریفرنس کی اڈیالہ جیل میں سماعت کی۔ ڈپٹی پراسیکیوٹر جنرل نیب سردار مظفر عباسی نیب ٹیم سمیت پیش ہوئے۔۔
عدالت نے ملزمان کو توشہ خانہ ریفرنس کی نقول اور دیگر ضروری دستاویزات فراہم کرکے فرد جرم کیلئے سماعت 4 جنوری تک ملتوی کردی۔
عدالت نے توشہ خانہ اور 190 پاؤنڈ ریفرنسز میں ضمانت کی درخواستوں پر سماعت 30 دسمبر تک ملتوی کردی۔
بانی پی ٹی آئی کے وکیل سردار لطیف کھوسہ کے مطابق بشریٰ بی بی کی ضمانتوں میں 6 جنوری تک توسیع کردی گئی۔
