دنیائے فٹبال کے معروف کھلاڑی کرسٹیانو رونالڈو نے 2023 میں سب سے زیادہ گول کرنے کا اعزاز اپنے نام کرلیا۔
ارجنٹائنی سٹار فٹبالر رونالڈو 2023 میں ایک اور بڑا اعزار حاصل کرتے ہوئے رواں سال کے دوران سب سے زیادہ گول کرنے والے فٹبالر بن گئے ہیں۔
رونالڈو نے سعودی فٹبال لیگ کے دوران النصر کلب کی نمائندگی کرتے ہوئے اتحاد کلب کے خلاف میچ میں دو گول سکور کر کے یہ اعزاز اپنے نام کیا ہے۔
رپورٹ کے مطابق رونالڈو نے رواں سال کے دوران 53 گول کئے ہیں اور انکے گولز کی تعداد ہیری کین اور ایمباپے کے گولز سے زیادہ ہے۔
بائرن میونخ کے کین اور پیرس سینٹ جرمین کے ایمباپے دونوں کے 52 گول ہیں جبکہ مانچسٹر سٹی کے لیے کھیلنے والے ایرلنگ ہالینڈ کے 50 گول ہیں۔
خیال رہے کہ ایرلنگ ہالینڈ کے پاس یہ اعزاز اپنے نام کرنے کا موقع ابھی موجود ہے کیونکہ ان کا پریمئیر لیگ کے دو میچز میں شرکت کا امکان ہے جو کہ آج اور 30 دسمبر کو کھیلے جانے ہیں۔
