پاکستان تحریک انصاف ( پی ٹی آئی ) کے سابق ممبر صوبائی اسمبلی زر گل خان یوسفزئی نے پیپلز پارٹی میں شمولیت اختیار کرلی۔
اتوار کے روز خیبرپختونخوا سے تعلق رکھنے والے پی ٹی آئی کے سابق ممبر صوبائی اسمبلی زر گل خان یوسفزئی نے سینیٹر تاج حیدر سے ملاقات کی جس کے دوران انہوں نے پاکستان پیپلز پارٹی میں شمولیت کا اعلان کیا۔
گزشتہ الیکشن میں مانسہرہ سے منتخب ہونے والے زر گل خان یوسفزئی نے تاج حیدر سے ملاقات کے دوران پی پی چیئرمین بلاول بھٹو اور سابق صدر آصف علی زرداری کی قیادت پر اعتماد کا اظہار کیا۔
یہ بھی پڑھیں۔ پی ٹی آئی رہنما محمود سدوزئی کا پیپلز پارٹی میں شمولیت کا اعلان
اس پر موقع پر زر گل خان کا کہنا تھا کہ آصف زرداری نے خیبر پختونخوا کے عوام کو شناخت دی اور بلاول بھٹو نوجوانوں کے بہترین مستقبل کی ضمانت ہیں۔
سینیٹر تاج حیدر کی جانب سے زرگل خان یوسفزئی کی پیپلزپارٹی میں شمولیت کا خیرمقدم کیا گیا۔
یاد رہے کہ اس سے قبل اتوار ہی کے روز پاکستان تحریک انصاف آزاد کشمیر کے رہمنا محمود سدوزئی نے بھی پاکستان پیپلز پارٹی ( پی پی پی ) میں شمولیت کا اعلان کیا ہے۔
