خیبرپختونخوا کے ضلع ایبٹ آباد میں آتشزدگی سے ایک ہی خاندان کے 9 افراد جاں بحق ہوگئے۔
حکام کے مطابق ایبٹ آباد کے گاؤں ترھیڑی کے گھر میں خوفناک آگ لگ گئی۔ آتشزدگی کے نتیجے میں نو افراد جاں بحق ہوگئے۔ مرنے والوں میں خاتون اور 8 بچے شامل ہیں۔
ذرائع کے مطابق مقامی لوگوں کی اپنی مدد آپ کے تحت آگ بجھانےکی کوششیں تاہم کچا گھر ہونے کی وجہ سے آگ پرقابو نہ پایا جاسکا۔
واقع کی اطلاع ملتے ہی پولیس اور ریسکیو اہلکاروں نے جائے وقوع پر پہنچ کر امدادی کارروائیوں اور تحقیقات کا آغاز کردیا ہے۔
کونسلر خاقان عباسی کے مطابق مکان بستی سے دور تھا اسی لیے آگ کی بروقت اطلاع نہیں مل سکی جس کی وجہ سے بہت زیادہ قیمتی نقصان ہوگیا۔
