اداکارہ ملائکہ اروڑا کے سابق شوہر معروف اداکار ارباز خان نے بالاآخر شادی کا فیصلہ کرلیا۔
بھارتی میڈیا رپورٹس کےمطابق بالی ووڈ کےمعروف اداکار اربازخان 24 دسمبر کو شادی کا اعلان کیا ہےوہ بھارتی میک اپ آرٹسٹ سورا خان سے شادی کے بندھن میں بندھنے جارہےہیں،شادی کی تقریب ممبئی میں منعقد ہوگی جس میں قریبی دوست اور رشتے دار شرکت کریں گے۔
بھارتی میڈیارپورٹس کےمطابق اربازکی سورا خان سےملاقات انکی نئی آنے والی فلم 'پٹنہ شکلا' کےسیٹ پر ہوئی تھی۔اس سے قبل ارباز خان کی گرل فرینڈ جارجیا اینڈریانی سےبریک کی خبریں سوشل میڈیا پر زیربحث رہ چکی ہیں۔
جس پر جارجیا اینڈریانی نے بریک اپ کی خبروں پر خاموشی توڑتے ہوئے باقاعدہ اعلان کیا کہ وہ اور ارباز صرف اچھے دوست ہیں اورہمیشہ رہیں گے۔
اداکار ارباز خان کی ہونے والی بیوی سورا خان کون ہے؟
بھارتی میڈیا رپورٹس کی مطابق سورا خان معروف بھارتی اداکارہ روینہ ٹنڈن اور انکی بیٹی راشا تھاڈانی کی میک اپ آرٹسٹ کے طور پر کام کرتی ہیں۔
ارباز خان اور ملائکہ اروڑا کی علیحدگی کب ہوئی؟
واضح رہے کہ اداکار ارباز خان اورملائکہ اروڑا کی 2016 میں علیحدگی ہوئی تھی جس کے بعد انہوں نے 11 مئی 2017 کو باقاعدہ طلاق کا اعلان کیا،معروف جوڑی کی شادی 1998 میں ہوئی تھی جو 19 سال تک چلی۔
