چیف سلیکٹر وہاب ریاض نے دورہ نیوزی لینڈ کیلئے 17 رکنی قومی ٹی ٹوینٹی سکواڈ کا اعلان کر دیاہے ۔
تفصیلات کے مطابق چیف سلیکٹر وہاب ریاض نے ٹیم کے کھلاڑیوں کے جہاں ناموں کا اعلان کیا وہیں انہوں نے نسیم شاہ اور حسنین کی پی ایس ایل میں شمولیت سے متعلق بھی اہم بیان جاری کیا ۔
چیف سلیکٹر نے کہا کہ نسیم شاہ اور حسنین نے ریکور کیاہے اور دونوں کھلاڑی پی ایس ایل تک دستیاب ہوں گے ۔ احسان اللہ سے متعلق چیف سلیکٹر کا کہناتھا کہ انہیں ابھی مزید وقت لگے گا۔
اہور میں کامران اکمل کے ہمراہ پریس کانفرنس کرتے ہوئے وہاب ریاض نے کہاکہ شاداب خان بہت ہی اہم کھلاڑی ہے ، وہ وائٹ بال سپیشلسٹ ہیں، سیزن کھیلتے ہوئے وہ زخمی ہوئے تھے ، انہیں دو ہفتے لگیں گے ٹھیک ہونے میں ، شاداب نہیں جارہے ، محمد حارث کو اس سیریز میں ریسٹ کروایا گیاہے ،
پاکستان کے دورہ نیوز لینڈ کیلئے اعلان کیئے گئے سکواڈ میں کپتان شاہین شاہ آفریدی ،بابراعظم، محمد رضوان ، فخر زمان، صائم ایوب، افتخار احمد، محمد نواز، ابرار احمد، اسامہ میر، حارث روف، وسیم جونیئر، زمان خان ،عامر جمال، اعظم خان ، عباس آفریدی، صاحبزادہ فرحان اور حسیب اللہ خان شامل ہیں ۔
