قومی کرکٹر احمد شہزاد نے چیمپیئن شپ میں سلور میڈل جیتنے پر ایتھلیٹ ارشد ندیم کو دس لاکھ کا چیک دیا
احمد شہزاد نے ارشد ندیم کو پاکستان کے لئے میڈل جیتنے پر مبارکباد دی،اس موقع پر قومی کرکٹر کا کہنا تھا کہ ارشد ندیم نے یہ میڈل جیت کر نئی تاریخ رقم کی ۔
قومی کرکٹر احمد شہزاد کا مزید کہنا تھا کہ ارشد ندیم ائیشین گیمز میں بھی پاکستان کے لئے میڈل جیتیں گے۔ ایتھلیٹ ارشد ندیم پیرس اولمپکس میں بھی میڈل اپنے سینے پر سجائیں گے۔
یاد رہے کہ ارشد ندیم نے حالیہ ورلڈ ایتھلیٹکس چیمپئن شپ میں چاندی کا تمغہ جیتا ہے اور ارشد کی یہ کامیابی ایتھلیٹکس ورلڈ چیمپئن شپ میں پاکستان کا پہلا میڈل ہے۔
