خیبرپختونخوا کے ضلع خیبر میں دہشت گردوں نے جوائنٹ چیک پوسٹ پر دہشت گردوں نے حملہ کیا ہے۔
تفصیلات کے مطابق خیبر کے تھانہ باڑہ کی حدود نالہ جوائنٹ چیک پوسٹ پر دہشت گردوں کے حملے میں دو سیکیورٹی اہلکار شہید ہوگئے۔ حملے میں پولیس اہلکار سمیت 7 سیکیورٹی اہلکار زخمی ہوئے ہیں۔
سیکیورٹی ذرائع کے مطابق حملے میں دستی بم سمیت بھاری ہتھیار استعمال کیا گیا، جوابی کارروائی سے دہشت گرد فرار ہوگئے جبکہ زخمیوں کو طبی امداد کیلئے پشاور منتقل کردیا گیا۔
قبل ازیں خیبر پختونخوا کے علاقے ٹانک میں بھی دہشت گردوں نے پولیس لائن پربھاری ہتھیاروں سے حملہ کردیا،جس کے نتیجے میں ایک پولیس اہلکار شہید جبکہ 3 زخمی ہوگئے۔
پولیس کے مطابق ٹانک کےعلاقے پولیس لائنزمیں رات گئے ملزمان نے حملہ کردیا،دہشت گردوں نے پولیس لائن میں داخل ہوتے ہی 4 دستی بم پھینکے، ایک خودکش حملہ اور نے خود کو دھماکے سے اڑا دیا۔
