خیبر پختونخوا کے علاقے ٹانک میں دہشت گردوں نے پولیس لائن پربھاری ہتھیاروں سے حملہ کردیا،جس کے نتیجے میں 2 پولیس اہلکار شہید 5 زخمی ہوگئے۔
پولیس کےمطابق ٹانک کےعلاقے پولیس لائنزمیں رات گئےملزمان نےحملہ کردیا،دہشت گردوں نے پولیس لائن میں داخل ہوتے ہی 4 دستی بم پھینکے، ایک خودکش حملہ اور نےخود کو دھماکے سے اڑا دیا۔
ذرائع کےمطابق خودکش دھماکےسےپولیس لائن کی چھت پرموجود2اہلکارزخمی ہوئے۔ پولیس اورسیکیورٹی فورسز نے علاقےکو گھیرے میں لے رکھا ہے،ملزمان اور پولیس کے درمیان فائرنگ کا تبادلہ کئی سے گھنٹوں سے جاری ہے،پولیس کی فائرنگ سےحملہ آور مارا گیا۔
یاد رہےکہ گزشتہ ہفتے ٹانک میں سیکیورٹی فورسز کے آپریشن کےدوران فائرنگ کے تبادلے میں5 دہشتگردمارے گئے تھے۔سیکورٹی فورسز نے ٹانک ڈیرہ شاہراہ ٹریفک کے لئے بند کردی،جبکہ ضلعے کے تمام ہسپتالوں میں ایمرجنسی نافذ ہے۔
