جرمن فٹبالر رابرٹ باؤر نے اسلام قبول کرلیا۔ وہ سعودی کلب الطائی ایف سی کا حصہ ہیں۔
سماجی رابطے کی ویب سائٹ انسٹاگرام پر سعودی کلب الطائی کے جرمنی سے تعلق رکھنے والے دفاعی کھلاڑی رابرٹ باؤر نے اپنی ایک تصویر شیئر کی جس میں وہ نماز پڑھتے دکھائی دے رہے ہیں۔
انہوں نے اپنے مداحوں کیلئے پیغام میں لکھا کہ ’’یہ میں ہوں، اپنے سسر نصیر اور بیٹے عیسیٰ کے ساتھ نماز ادا کرتے ہوئے‘‘۔
انہوں نے اپنے پیغام میں مزید بتایا کہ میں اپنی اہلیہ اور اس کے خاندان کے ذریعے کئی سال قبل اسلام قبول کرچکا ہوں، میں آپ سب کا شکر گزار ہوں جنہوں نے میری مدد اور حوصلہ افزائی کی۔
رابرٹ باؤر نے یہ بھی لکھا کہ آج مجھے میسیج بھیجنے والوں کا تہہ دل سے شکر گزار ہوں۔
