پاکستان نے اندر 19 ایشیاکپ میں بھارت کے بعد اب افغانستان کو بھی دردناک شکست سے دوچار کر دیاہے اور ٹائٹل کی جانب ایک اور مضبوط قدم بڑھا دیا ہے ۔
تفصیلات کےمطابق پاکستان کی انڈر 19 ٹیم کی جانب سے افغانستان کو جیت کیلئے 304 رنز کا ہدف دیا گیا جس کی تعاقب میں افغانستان کی پوری ٹیم 220 رنز پر آوٹ ہو گئی ۔
پاکستان کی جانب سے عبید شاہ نے شاندار باولنگ کرواتے ہوئے 7 اوورز میں 19 رنز دیئے اور 3 کھلاڑیوںکو پولین کی راہ دکھائی ، ان کے علاوہ طیب عارف نے بھی 3 کھلاڑیوںکو آوٹ کیا، خبیب خلیل 2 ، عامر حسن اور شمائل حسین نے ایک ایک کھلاڑی کو آوٹ کیا ۔
افغانستان نے ٹاس جیت کر پہلے فیلڈنگ کا فیصلہ کیا اور پاکستان کو بیٹنگ کی دعوت دی جس پر پاکستان نے مقررہ 50 اوورز میں 303 رنز بنائے جس میں شاہزیب خان 79 رنز کے ساتھ سرفہرست رہے جبکہ ان کے بعد شمائل حسین 75 اور ریاض اللہ 73 رنز بنانے میں کامیا ب ہوئے ۔
افغانستان کی جانب سے نعما شاہ 54 رنز کے ساتھ ٹاپ سکورررہے ،، ان کے علاوہ کوئی بھی کھلاڑی نصف سینچری بنانے میں کامیاب نہیں ہو پایا۔ وطیف اللہ 32 ، فریدون داود زئی 32 ،نصیر خان 26 ، خلیل احمد 19 اور غضنفر نے 16 رنز بنائے ۔
