قومی ٹیم کے فاسٹ باولر حارث روف بگ بیش لیگ کھیلنے آسٹریلیا پہنچ گئے ہیں اور انہوں نے اپنی ٹیم میلبرن سٹارز کو جوائن کر لیاہے ۔
قومی ٹیم کے فاسٹ باولر حارث روف نے آسٹریلیا کے خلاف سیریز کھیلنے سے معذرت کر لی تھی جس پر انہیں پی سی بی کی جانب شوکاز نوٹس جاری کیا گیا اور جواب طلب کیا گیا ۔ حارث روف نے جواب میں کہا تھا کہ انہوں نے فٹنس مسائل کی وجہ سے معذرت کی ہے تاہم مستقبل میں انہوں نے ٹیسٹ کرکٹ کیلئے خود کو دستیاب رکھنے کی یقین دہانی بھی کروائی ۔
حارث روف تاخیر سےآسٹریلیا پہنچے ہیں جس کے باعث وہ پہلے میچ کیلئے دستیاب نہیں ہوں گے ، پی سی بی کی جانب سے حارث روف کو بی بی ایل کھیلنے کی این او سی جاری کر دیا گیا تھا ۔
آسٹریلیا پہنچنے کے بعد حارث روف نے میلبر ن میں سٹارز فیملی ڈے میں بھی شرکت کی ، اس تقریب میں میلبرن سٹارز کے دیگر کھلاڑی بھی موجود تھے ۔
