سکھر ملتان موٹر وے ایم فائیو پر گڈو انٹر چینج کے قریب ٹریفک حادثے کے نتیجے میں 8 افراد جاں بحق ہوگئے۔
موٹر وے ایم فائیو پر گڈو انٹر چینج کے قریب المناک حادثہ پیش آیا جہاں تیز رفتار کار ٹرالر سے ٹکرا گئی جس کے نتیجے میں خواتین اور بچوں سمیت 8 افراد جاں بحق ہو گئے۔
موٹر وے پولیس کے مطابق حادثہ تیز رفتاری اور کار سواروں کی غفلت سے پیش آیا، کار میں خواتین اور بچوں سمیت 10 افراد سوار تھے۔
حادثے میں دلہن جاں بحق اور دلہا زخمی ہوگیا جن کی دو روز قبل ہی شادی ہوئی تھی اور دونوں رسم کی ادائیگی کیلئے سکھر سے ماہی چوک جارہے تھے ۔
حادثے میں دو افراد زخمی بھی ہوئے جنہیں طبی امداد کے لئے رحیم یارخان کے شیخ زید اسپتال منتقل کر دیا گیا۔
