پی ایس ایل کی 9 کے دلچسپ مقابلوں کے شروع ہونے میں کم وقت رہ گیا،کرکٹ شائقین قومی اور بین الاقوامی کھلاڑیوں کی ہوم گراونڈ پر پرفارمنس دیکھنے کیلئے کافی پرجوش ہیں۔
ایک نجی تقریب میں شرکت کےبعد میڈیا سےگفتگوکرتے ہوئے چیف سلیکٹر وہاب ریاض نے اپنے بیان میں کہا کہ نسیم پی ایس ایل تک مکمل طور پر فٹ ہوجائیں گے، انکا ری ہیب پروگرام اچھا چل رہا ہے
وہاب ریاض نےکہا شان مسعود ڈومیسٹک کا بہترین پرفارمر ہے، اس کو پہلے مسلسل مواقع نہیں ملتے رہے۔
انہوں نےکہا کہ نیشنل ٹی ٹوئنٹی کےٹاپ پرفارمرزکو بلائیں گے،کیمپ میں ڈومیسٹک کے پرفارمرز اورٹی ٹوئنٹی کے ممکنہ کھلاڑیوں کو بلایا جائے گا، امید ہےکہ 25 دسمبر تک نیوزی لینڈ کےخلاف سیریز کے لیے ٹیم کا اعلان کر دیں گے۔
چیف سلیکٹر نے ویمن کرکٹ ٹیم کو مبارکباد دیتے ہوئے کہا ٹیم نے بہت عمدہ کھیل پیش کیا۔
