بلوچستان کے ضلع دکی میں یارو شہر کراس کے قریب واقع گرڈ اسٹیشن کے نزدیک نامعلوم مسلح افراد نے ایک تعمیراتی کمپنی کی مشینری پر حملہ کر دیا۔
پولیس کے مطابق حملہ آوروں نے کمپنی کے دو روڈ رولرز کو آگ لگا دی، جس کے نتیجے میں دونوں مشینیں مکمل طور پر جل کر خاکستر ہو گئیں۔
پولیس کا کہنا ہے کہ حملہ آور کارروائی کے بعد موقع سے فرار ہو گئے، جبکہ ان کی گرفتاری کے لیے علاقے میں سرچ آپریشن جاری ہے۔
پولیس کے مطابق واقعہ دکی شہر سے تقریباً 15 کلومیٹر جنوب میں کوہلو روڈ پر پیش آیا، جبکہ جائے وقوعہ غڑواس پولیس اسٹیشن سے تقریباً تین کلومیٹر کے فاصلے پر واقع ہے۔
واقعے کے بعد پولیس نے شواہد اکٹھے کرکے تحقیقات کا آغاز کر دیا ہے اور حملہ آوروں کی تلاش جاری ہے۔
ذرائع کے مطابق متعلقہ تعمیراتی کمپنی دکی سے چمالنگ تک 105 کلومیٹر طویل سڑک کی تعمیر پر کام کر رہی ہے ۔
