ڈاکٹر وکٹر گاؤ نے کہاہے کہ بھارت سےکہناچاہتاہوں دوسروں کےساتھ وہ نہ کروجوتم نہیں چاہتےکہ تمہارے ساتھ ہو، کروڑوں لوگوں کیلئے پانی کا بہاؤ روکنا جنگی جرم میں شمار ہو گا۔
نائب صدر سینٹر فار چائنا اینڈ گلوبلائزیشن بیجنگ ڈاکٹر وکٹر گاؤ نے اسلام آباد میں سندھ طاس معاہدے سے متعلق بین الاقوامی سیمینار خطاب کرتے ہوئے کہا کہ سندھ طاس معاہدے سے متعلق سیمینارمیں شرکت میرے لیے باعث اعزاز ہے، بھارتی وزیراعظم نے کہا وہ دریائے سندھ کے پانی کا ایک قطرہ بھی پاکستان نہیں جانے دے گا۔
انہوں نے کہا کہ بھارتی چینل کو انٹرویو میں کہا پانی روکنےکی دھمکی انسانیت کیخلاف جرم ہے، کروڑوں لوگوں کیلئے پانی کا بہاؤ روکنا جنگی جرم میں شمار ہو گا، اس وقت بھی بھارت پر زور دیا تھاکہ وہ ہرگز ایسا نہ کرے، بھارت سے کہنا چاہتا ہوں دوسروں کے ساتھ وہ نہ کرو جو تم نہیں چاہتے کہ تمہارے ساتھ ہو، حقیقت یہ ہے دریائےسندھ کے نظام کے حوالے سے بھارت مکمل طور پر ناانصافی کر رہا ہے۔
