بلاول بھٹو زرداری نے کہاہے کہ پانی کا بطور ہتھیاراستعمال بین الاقوامی قوانین کے منافی ہے،پاکستان امن کا خواہاں ہے،دنیا کو نئے قوانین بنانے کی ضرورت ہے،پانی کے معاملے پر کسی کو غلط فہمی نہیں ہونی چاہیے، دریائےسندھ کا پانی پاکستان کی زندگی کی ضمانت ہے۔
اسلام آباد میں سندھ طاس معاہدے سے متعلق بین الاقوامی سیمینار سے خطاب کرتے ہوئے بلاول بھٹو زرداری نے کہا کہ آبنائے ہرمز کی بندش نے عالمی معیشت کو متاثر کیا،بھارت نے اپنے وعدوں کی پاسداری نہیں کی،آبی وسائل کو بطور ہتھیار استعمال کرنا خطرناک ہے، بھارت کو سندھ طاس معاہدے پر عمل کرنا ہو گا۔
بلاول بھٹو زرداری کا کہناتھا کہ دریائے سندھ کا پانی پاکستان کی زندگی کی ضمانت ہے،سندھ طاس معاہدے کی بحالی کے بغیر پائیدار امن ممکن نہیں،سندھ طاس معاہدے کے تحت پاکستان کے پانی کا تحفظ یقینی بنایا جانا چاہیے،پاکستان نے جنگ بندی کی شرائط پر عمل کیا،بھارت نے وعدوں کی مکمل پاسداری نہیں کی،سندھ، جہلم اور چناب کے پانی پر پاکستان کا حق تسلیم شدہ ہے،پانی کومحض تکنیکی تنازع نہیں،قومی سلامتی کے مسئلہ کے طور پر دیکھا جانا چاہیے،پاکستان کے آبی حقوق کو نقصان پہنچانے کی کوشش کا قومی سطح پر جواب دیا جائے گا،پاکستان اپنےعوام کے بنیادی حقوق پر سمجھوتانہیں کرے گا۔
