خیبرپختونخوا میں سرکاری دفاتر میں جمعہ کو ورک فرام ہوم ختم کردیا گیا۔
نوٹیفکیشن کے مطابق جمعہ اب معمول کے مطابق سرکاری ورکنگ ڈے ہوگا، تمام سرکاری دفاتر میں جمعہ کومعمول کے مطابق حاضری یقینی بنانے کی ہدایت کردی گئی ہے۔ فیصلہ گزشتہ روز کابینہ کے اجلاس میں کیا گیا تھا۔
واضح رہے کہ صوبائی حکومت نے کفایت شعاری مہم کے تحت بجلی، ایندھن اور دیگر آپریشنل اخراجات کم کرنے کے لیے عملہ محدود کرنے سمیت اہم فیصلے کیے تھے جس میں معہ کو ورک فرام ہوم کا فیصلہ بھی شامل تھا۔






















