جنوبی افریقہ کے معروف سپن باؤلر تبریز شمسی نے پاکستان سپر لیگ ( پی ایس ایل ) کے ایڈیشن 9 کے لئے خود کو رجسٹر کر لیا۔
دنیا کے کئی نامور کھلاڑی پاکستان سپر لیگ میں کھیلنے کیلئے اپنی رضامندی ظاہر کر رہے ہیں جبکہ پاکستان کرکٹ بورڈ ( پی سی بی ) نے پی ایس ایل سیزن 9 کو یارد گار بنانے کیلئے تیاریاں بھی شروع کر رکھی ہیں۔
یہ بھی پڑھیں۔ مجیب الرحمان پی ایس ایل 9 کے ڈرافٹ کیلئے رجسٹرڈ
اتوار کے روز ساؤتھ افریقی کرکٹر اور لاہور قلندر کے سابق آلراؤنڈر ڈیوڈ ویزے نے بھی پاکستان سپر لیگ ( پی ایس ایل ) کا سیزن 9 کھیلنے کے لئے تیاری ظاہر کر دی تھی اور آئندہ ایڈیشن کے ڈرافٹ کے لئے خود کو رجسٹر کر لیا تھا جبکہ پیر کے روز دو افغان کرکٹرز بھی رجسٹرڈ ہوئے۔
یہ بھی پڑھیں۔ ڈیوڈ ویزے پی ایس ایل کا سیزن 9 کھیلنے کے لئے تیار
منگل کے روز سماجی رابطے کے پلیٹ فارم ایکس پر پاکستان سپر لیگ کے آفیشل ہینڈل کے ذریعے مداحوں کو خوشخبری سنائی گئی کہ جنوبی افریقہ کے سپنر تبریز شمسی بھی پی ایس ایل کھیلنے کے لئے تیار ہیں اور انہوں نے ڈرافٹ کے لئے سائن اپ کر لیا ہے۔
The Spin Wizzzz 🌪️
— PakistanSuperLeague (@thePSLt20) December 5, 2023
Tabraiz Shamsi 🇿🇦 has officially signed up for the #HBLPSLDraft 🎉#HBLPSL9@shamsi90 pic.twitter.com/EWWJjlwbCQ
یاد رہے کہ پی ایس ایل 9 کی ڈرافٹنگ کی تقریب 13 دسمبر کو لاہور میں منعقد کی جائے گی۔
