ایرانی پرشین گلف اسٹریٹ اتھارٹی نے نئے قوائد و ضوابط جاری کردیئے ہیں جس میں کہا گیاہے کہ آبنائے ہرمزسے ان جہازوں کو گزرنے کی اجازت ہوگی ،جو ضروری شرائط پوری کرینگے۔
بیان میں کہا کہ غیرملکی جہاز رابطہ معلومات اور سفر کے راستے کی تفصیلات فراہم کریں ، آبنائے ہرمزپہنچنے سے 48 گھنٹے پہلے درخواست دینا ضروری ہوگی، 60 روز کے دوران بحری جہازوں سے کوئی فیس نہیں لی جائے گی، تمام جہازوں کی انشورنس کی ذمہ داری ایرانی حکومت اٹھائے گی، ایرانی پرشین گلف اسٹریٹ اتھارٹی کے مطابق جہازوں کو گزرنے کی اجازت امریکا کے ساتھ مفاہمتی یادداشت کے تحت دی جارہی ہے ۔
قبل ازیں امریکی نائب صدر جے ڈی وینس نے بھی صیہونی حکومت کو آئینہ دکھا دیا۔ کہا ایران کے ساتھ معاہدے پر نیتن یاہو غصے سے پاگل ہورہے ہیں۔ معاہدے پر تنقید سجھ سے بالا تر ہے۔ نتین یاہو کے وزیر صدر ٹرمپ پر تنقید کررہے ہیں۔ ٹرمپ کو مسئلہ سمجھنے والے جاگیں۔ تمہاری حفاظت ہمارے پیسوں سے ہوتی ہے۔
واضح رہے کہ اسرائیل کی لبنان پر بمباری امریکا ایران تکنیکی مذاکرات میں رکاوٹ بن گئی۔ عرب میڈیا کے مطابق ایرانی وفد نے لبنان پر حملوں کی وجہ سے سوئٹزرلینڈ کا دورہ منسوخ کردیا، ایرانی وفد کے نہ آنے پر تکنیکی مذاکرات کو ملتوی کرنا پڑا، ایرانی وفد کے نہ آنے پر امریکی نائب صدر نے بھی دورے کو ملتوی کردیا۔
