افغان کرکٹ ٹیم کے اسپنر مجیب الرحمان نے پاکستان سپر لیگ ( پی ایس ایل ) کے ڈرافٹ کے لیے رجسٹریشن کر لی۔
دنیا کے کئی نامور کھلاڑی پاکستان سپر لیگ میں کھیلنے کیلئے اپنی رضامندی ظاہر کر رہے ہیں جبکہ پاکستان کرکٹ بورڈ ( پی سی بی ) نے پی ایس ایل سیزن 9 کو یارد گار بنانے کیلئے تیاریاں بھی شروع کر رکھی ہیں۔
یہ بھی پڑھیں۔ ڈیوڈ ویزے پی ایس ایل کا سیزن 9 کھیلنے کے لئے تیار
اتوار کے روز ساؤتھ افریقی کرکٹر اور لاہور قلندر کے سابق آلراؤنڈر ڈیوڈ ویزے نے بھی پاکستان سپر لیگ ( پی ایس ایل ) کا سیزن 9 کھیلنے کے لئے تیاری ظاہر کر دی تھی اور آئندہ ایڈیشن کے ڈرافٹ کے لئے خود کو رجسٹر کر لیا تھا۔
پیر کے روز پاکستان سپر لیگ کے آفیشل ایکس ہینڈل کے ذریعے افغان سپنر مجیب الرحمان کی رجسٹریشن کے حوالے سے بھی پیغام جاری کیا گیا۔
ایکس پر جاری پیغام میں لکھا گیا کہ افغانستان کے کرکٹر مجیب الرحمان نے بھی پی ایس ایل 9 کے ڈرافٹ کے لئے آفیشلی سائن اپ کر لیا ہے۔
Afghanistan's spin wizard! 🪄
— PakistanSuperLeague (@thePSLt20) December 4, 2023
Mujeeb Ur Rahman 🇦🇫 has officially signed up for the #HBLPSLDraft 🎉#HBLPSL9 @Mujeeb_R88 pic.twitter.com/ePRltpfjPp
خیال رہے کہ پی ایس ایل 9 کی ڈرافٹنگ کی تقریب 13 دسمبر کو لاہور میں منعقد کی جائے گی۔
