خلیج عمان میں آئل ٹینکر پرامریکی حملہ، 2 بھارتی شہریوں کی ہلاکت کی تصدیق ہوگئی۔
عرب میڈیا رپورٹس کے مطابق خلیج عمان میں آئل ٹینکر پر امریکی حملے کے نتیجے میں 2 بھارتی شہری ہلاک ہوگئے ہیں،بھارتی چیف انجینیئر اب بھی لاپتہ ہے،جن کی تلاش جاری ہے۔
عرب میڈیا کےمطابق 2 روز قبل امریکی طیارے نے آئل ٹینکر پرمیزائل داغا تھا،آئل ٹینکر کو ہدایات کی پیروی نہ کرنے پر نشانہ بنایا گیا،خلیج عمان میں آئل ٹینکر پر حملے کے بعد بھارت نے امریکی نائب ناظم الامور کو طلب کررکھا ہے۔
واضح رہےکہ امریکی فواج کی سینٹرل کمانڈ (سینٹ کام) کےمطابق 13 اپریل کو ناکہ بندی کے آغاز سے اب تک 7 جہازوں کو ناکارہ بنایاجاچکا ہےجبکہ 134 جہازوں کا رخ موڑا گیا اور 42 انسانی امداد لے جانے والے جہازوں کو گزرنے کی اجازت دی گئی۔
