وزیراعظم شہبازشریف نے ایکس پر پیغام جاری کرتے ہوئے کہا کہ مشرق وسطیٰ میں حالیہ تشدد میں اضافہ کمزور جنگ بندی کے خطرات کی واضح یاددہانی ہے، جاری کشیدگی کے نتائج خطے اور دنیا کیلئے ناقابل برداشت ثابت ہو سکتے ہیں ۔
تفصیلات کے مطابق وزیراعظم شہبازشریف نے کہا کہ مشرق وسطیٰ میں حالیہ تشدد میں اضافہ کمزورجنگ بندی کےخطرات کی واضح یاد دہانی ہے،جاری کشیدگی کےنتائج خطے اور دنیا کے لیے ناقابل برداشت ثابت ہو سکتے ہیں،پاکستان برادر ممالک،شراکت داروں کےساتھ ملکرتنازع کے پرامن،سفارتی حل کیلئے سنجیدہ کوششیں کر رہا ہے۔
انہوں نے کہا کہ تنازع کے منصفانہ حل کے حصول کا مقصد قریب ہے، تمام فریقین تحمل اور بردباری کا مظاہرہ کریں، فریقین سے اپیل ہے امن کو ایک اور موقع دیا جائے کشیدگی میں اضافہ نہ کیا جائے، تشدد اور تباہی کے بجائے امن اور سفارت کاری کا راستہ اختیار کیا جائے،امن اور سفارتی کوششوں کی کامیابی کے روشن امکانات موجود ہیں، پاکستان خطےمیں امن، استحکام،مذاکرات کےفروغ کیلئےاپنی کوششیں جاری رکھےگا۔
