سندھ کے شہر کندھ کوٹ میں افسوسناک ٹریفک حادثے کے نتیجے میں سات افراد جاں بحق ہوگئے۔
ریسیکو حکام کے مطابق کندھ کوٹ میں انڈس ہائی وے پر کیڈٹ کالج کے قریب افسوسناک حادثہ پیش آیا جہاں دو مسافر وینوں اور ٹرک کی آپس میں ٹکر ہوگئی جس کے نتیجے میں سات افراد جان کی بازی ہار گئے۔
حکام نے بتایا کہ حادثے کے نتیجے میں 18 افراد زخمی بھی ہوئے ہیں جنہیں طبی امداد کے لئے ہسپتال منتقل کر دیا گیا ہے۔
حکام کی جانب سے حادثے کے بعد کرم پور ، کندھ کوٹ اور غوثپور کے ہسپتالوں میں ایمرجنسی نافذ کر دی گئی ہے۔
