استحکام پاکستان پارٹی کے صدر اور وفاقی وزیر عبدالعلیم خان نے یومِ تکبیر کے موقع پر قوم کو مبارکباد پیش کرتے ہوئے ملک کے دفاعی اداروں، عسکری قیادت اور سیاسی رہنماؤں کو خراجِ تحسین پیش کیا ہے۔
وفاقی وزیر عبدالعلیم خان نےکہا کہ “یومِ تکبیر، دفاع وطن ناقابلِ تسخیر” کا نعرہ قومی سلامتی کی ضمانت ہے، اور پاکستان نےپہلی مسلم ایٹمی طاقت بن کر دنیا میں اپنی منفرد شناخت قائم کی۔
عبدالعلیم خان نےسابق وزیراعظم ذوالفقارعلی بھٹو کو خراج تحسین پیش کرتے ہوئےکہاکہ میاں نواز شریف نےدباؤ کے باوجود ایٹمی دھماکوں کا جرات مندانہ فیصلہ کیا,ڈاکٹر عبدالقدیرخان اور ڈاکٹر ثمر مبارک مند کو قوم کے ہیرو ہیں۔
وفاقی وزیر نےکہاکہ افواج پاکستان،عسکری ادارے اوردفاعی ماہرین خصوصی مبارکباد کے مستحق ہیں، پاکستان ایٹمی قوت کے طور پرکسی بھی جارحیت کا بھرپور جواب دینےکی صلاحیت رکھتا ہے،خطے میں امن کے لیےپاکستان کا کردارقابلِ تعریف ہے،ایران و امریکا کے درمیان کشیدگی کے دوران پاکستان کی سفارتکاری مثبت اور مؤثر رہی۔
