وزیراعلیٰ سندھ مراد علی شاہ نے کہا ہے اٹھائیسویں ترمیم پر کسی نے پیپلزپارٹی سے کوئی بات نہیں کی۔ نئی ترمیم کا مسودہ یا ڈرافٹ بھی شیئر نہیں ہوا۔
سیہون میں میڈیا سے گفتگو میں مراد علی شاہ نے کہا کہ نا کوئی ترمیم ہے، نہ صوبوں کی بات ہوئی ہے نہ ہی شہر کو الگ کرنے کی بات ہوئی ہے۔ پیپلز پارٹی کی رضامندی کے سوا اسمبلی سے کوئی ترمیم پاس نہیں ہوسکتی۔
مراد علی شاہ نے کہا کہ دنیا بھر میں ایران اور امریکا کی جنگ سے مہنگائی میں اضافہ ہوگیا ہے۔ ہماری کوشش ہے نئے بجٹ میں غریب عوام پرکم سے کم بوجھ پڑے۔ تنخواہیں بڑھانے کا فیصلہ وفاق سے مشاورت کے بعد کریں گے۔
انہوں نے کہا کہ ہمارے پاس ریسورسز کی بہت کمی ہے، ڈیولپمنٹ کی اسکیمز خطرے میں پڑگئی ہیں، میں چھوٹے چھوٹے اضلاع بنانے کے خلاف ہوں، اس سے اخراجات بڑھتےہیں اورآفیسزبنانی پڑتی ہیں۔ وفاق سے بات چیت چل رہی ہے، ٹوٹل ایف بی آر کی کلیکشن کی واضح اعدادوشمار نہیں آئے۔
