وزیراعلیٰ پنجاب مریم نواز نے عیدالاضحیٰ کے موقع پر قوم اور امت مسلمہ کو دلی مبارکباد پیش کرتے ہوئے کہا ہے کہ عیدالاضحیٰ ہمیں ایثار، قربانی، محبت اور بھائی چارے کا درس دیتی ہے۔
اپنےپیغام میں وزیراعلیٰ مریم نواز نےکہاکہ حضرت ابراہیم علیہ السلام کی سنت میں قربانی کرنے والے ہر مسلمان کے لیےعقیدت اور احترام کے جذبات رکھتی ہوں،عید کا اصل پیغام اپنی خوشیوں میں دوسروں کو شریک کرنا اور محروم و نادار طبقات کو یاد رکھنا ہے۔
وزیراعلیٰ پنجاب نے عوام کی حفاظت کے لیے سرحدوں پر مامور افواجِ پاکستان کے جوانوں کو زبردست خراج تحسین پیش کیا جبکہ عید کے موقع پر شہدا کے خاندانوں سے اظہارِ یکجہتی بھی کیا۔ انہوں نے اسرائیلی جارحیت کا شکار ہونے والی کمسن طالبات سمیت تمام شہدا کی عظیم قربانیوں کو سلام پیش کیا۔
مریم نواز نےکہا کہ نادار طبقے، یتیموں، مزدوروں اور ضرورت مند افراد کو عید کی خوشیوں میں شریک کرنا اللہ تعالیٰ کی رضا حاصل کرنے کا ذریعہ ہے۔ انہوں نے عوام پر زور دیا کہ وہ غربا اور محروم افراد کے ساتھ خوشیاں بانٹیں کیونکہ سب کو اپنی خوشیوں میں شریک کرنا ہی عید کا حقیقی پیغام ہے۔
وزیراعلیٰ پنجاب نے عیدالاضحیٰ کے موقع پر صفائی آپریشن اور دیگر فرائض انجام دینے والے افسروں اور عملے کو شاباش دیتے ہوئے ان کی خدمات کو سراہا۔
