وزیراعظم شہباز شریف نے ترک صدر رجب طیب اردوان سے ٹیلی فونک رابطہ کیا۔ دونوں رہنماؤں نے ایک دوسرے کو عید الاضحٰی کی مبارکباد دی۔ فریقین نے پاک ترک گہرے اور تاریخی تعلقات کے فروغ کے عزم کا اعادہ بھی کیا۔
وزیراعظم شہباز شریف نے اپنے ایکس پیغام میں کہا ترک صدر سے رابطے میں علاقائی امن، استحکام،مذاکرات، ہاک ترک تجارت، سرمایہ کاری اور علاقائی روابط میں دوطرفہ تعاون بڑھانے پر اتفاق کیا گیا۔
شہباز شریف نے کہا پاکستان اور ترکیہ کے تعلقات ہر گزرتے دن کے ساتھ مزید مضبوط ہو رہے ہیں۔ وزیراعظم نے صدر اردواں کا پاکستان کی امن کاوشوں کی حمایت پر شکریہ ادا کیا۔
شہباز شریف نے بلوچستان میں دہشت گرد حملے کے بعد پاکستان سے یکجہتی پر ترک صدر سےاظہار تشکر کیا۔ کہا دہشت گردی کے خلاف جنگ میں پاکستان اور ترکیہ متحد ہیں۔
